O‘zbekiston Respublikasi Vazirlar Mahkamasining 2017-yil 22-maydagi 304-son “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi Qarori bilan tasdiqlangan “Oliy ta’limdan keyingi ta’lim to‘g‘risida”gi Nizom talablariga muvofiq, Biznes va tadbirkorlik oliy maktabi 2024-yil uchun 08.00.16 – “Raqamli iqtisodiyot va xalqaro raqamli integratsiya” ixtisosligi bo‘yicha fan doktori (DSc) yoki falsafa doktori (PhD) ilmiy darajalariga da’vogar izlanuvchilar uchun mustaqil izlanuvchilikka qabul e’lon qiladi.

Mustaqil izlanuvchilikka (PhD, DSc) hujjatlar 2024-yil 15-aprelidan 15-maygacha bo‘lgan muddatda Innovatsion rivojlanish agentligi Yagona elektron tizimi http://phd.mininnovation.uz orqali qabul qilinadi.

Fan doktori (DSc) мustaqil izlanuvchilikka qabul qilish uchun hujjatlar ro‘yxati:

·       ariza;

·       qisqacha biografik ma’lumotnoma (obyektivka);

·       mehnat daftarchasining belgilangan tartibda tasdiqlangan nusxasi;

·       oliy ma’lumot, fan nomzodi yoxud falsafa doktori (PhD) yoki xorijiy davlatlarda unga tenglashtirilgan ilmiy darajaga ega bo‘lganligi to‘g‘risidagi diplom nusxasi;

·       nashr etilgan ilmiy ishlar ro‘yxati (3.4-shakl) va ularning nusxalari;

·       tadqiqot mavzusi bo‘yicha ilmiy ma’ruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi;

·       pasport nusxasi

·       ish joyidan tavsifnoma.

Eslatma: Mustaqil izlanuvchilik - DScga quyidagilarga ega bo‘lganlar qabul qilinadi:

- fan nomzodi yoki falsafa doktori (PhD) yoxud ularga tenglashtirilgan xorijiy davlatlarda olingan ilmiy darajalar;

- fan nomzodi yoki falsafa doktori (PhD) ilmiy darajasi yoxud ularga tenglashtirilgan boshqa ilmiy darajalar olgandan so‘ng muhim ilmiy yutuqlarga erishish, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish.

Bir necha talabgorlarning doktoranturaga suhbat natijalari bo‘yicha ular tomonidan to‘plangan yakuniy ballari teng bo‘lgan taqdirda quyidagi talabgorlarga ustunlik beriladi:

- 5 yildan ortiq ilmiy-pedagogik stajga ega bo‘lganlar;

- mualliflik guvohnomalari va patentga ega bo‘lganlar;

- monografiya (ijtimoiy-gumanitar fanlar uchun), talabgorning dissertatsiya mavzusi bo‘yicha tegishli ilmiy jurnallarda, shu jumladan xorijiy jurnallarda chop etilgan soni bo‘yicha (boshqa talabgorlarga nisbatan) ko‘p miqdorda ilmiy maqolaga ega bo‘lganlar;

-  dissertatsiya tadqiqoti hajmining 50 foizdan ko‘p qismini bajarganlar.

Mustaqil izlanuvchilik - DScda o‘qish uchun kirayotgan talabgorlar qabul komissiyasi tomonidan ixtisoslik bo‘yicha suhbatdan o‘tadilar.

Falsafa doktori (PhD) мustaqil izlanuvchilikka qabul qilish uchun hujjatlar ro‘yxati:

·       ariza;

·       qisqacha biografik ma’lumotnoma (obyektivka);

·       magistrlik yoki oliy ma’lumot (mutaxassislik dasturi bo‘yicha) to‘g‘risidagi diplom nusxasi;

·       mehnat daftarchasining belgilangan tartibda tasdiqlangan nusxasi;

·       ilmiy ishlar ro‘yxati (3.4-shakl) va ularning nusxasi;

·       ish joyidan tavsifnoma;

·       pasport nusxasi.

Eslatma: Falsafa doktori (PhD) ilmiy darajasi uchun mustaqil izlanuvchanlikka quyidagilarga ega bo‘lganlar qabul qilinadi:

-  magistr diplomi yoki oliy ma’lumot to‘g‘risidagi (ixtisoslik bo‘yicha) diplomga ega bo‘lganlar;

-  falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yo‘nalishlar bo‘yicha ikkitadan kam bo‘lmagan ilmiy ishlar to‘plamlariga kiritilgan ma’ruza tezislariga ega bo‘lganlar.

Mustaqil izlanuvchilikka kiruvchi talabgorlarning suhbat natijalaridan kelib chiqib, qabul komissiyasi tomonidan 15-aprelidan 15-maygacha bo‘lgan muddatda qabul qilinganlardan tanlanadi. 

 Bog‘lanish uchun telefon: (71) 239-03-17.

Biznes va tadbirkorlik oliy maktabi