“MBA in IT-Business” qo‘shma ta’lim dasturi - Mazkur qo‘shma ta’lim dasturi Biznes va tadbirkorlik oliy maktabi Janubiy Koreyaning AJOU universiteti bilan hamkorlikdagi tashkil etilgan. Dastur mahalliy va xalqaro mehnat bozorida talab yuqori bo‘lgan zamonaviy biznes boshqaruvi va axborot texnologiyalari sohalarida yuqori malakali mutaxassislar tayyorlashga qaratilgan.

Kimlar uchun? 

Dastur IT sohasi mutaxassislar, tadbirkorlar va yuqori darajadagi boshqaruvchilar, axborot texnologiyalari, iqtisod va sanoat sjhasida boshqaruv organlari, kasbiy o'sishga qiziqqan, yetakchilik qobiliyatlarini rivojlantirish, strategik fikrlash, shuningdek sifat jihatdan kelajakda yangi rivojlanish bosqichini izlayotgan universitet bitiruvchilari uchun mo‘ljallangan.

Dasturning maqsadi:

• Dasturning o'ziga hos hususiyati shundaki, u amaliy faoliyatga asoslangan va tinglovchilarga biznes boshqaruvini rivojlantirishda axborot texnologiyalarni qo‘llash usullarini kashf qilish;
• biznes va IT sohasida fanlarni birlashtirgan holda to‘g‘ri qaror qabul qilishni;
• IT-Businessning zamonaviy modellarini o'rganish;
• ta’lim jarayonida tinglovchilar nafaqat nazariy bilimlarga, balki amaliy ko‘nikmalarga ham ega bo‘lishi;
• IT-Business boshqaruvida muvaffaqiyatli karyera uchun tinglovchilarni tayyorlash.

Dasturning afzalliklari:

• O‘zbekistonda va Janubiy Koreyada tahsil olish imkoniyati;
• yetakchi xorijiy va mahalliy professor-o‘qituvchilar tomonidan olib boriladigan darslar;
• amaliyot va loyiha ishlarida qatnashish orqali real biznes muhitida tajriba orttirish;
• Ajou universitetining “IT-Business” va Oliy maktabning “MBA Biznesni boshqarish” magistr diplomlari.