O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi
magistraturasiga 2024-2025 o‘quv yili uchun yozgi qabul boshlandi:
O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi 2024-2025 o‘quv yili uchun to‘lov-kontrakt asosida kunduzgi va sirtqi taʼlim shakllariga:
- MBA - Global menejment,
- MBA - Moliya,
- MBA - Kichik biznes va tadbirkorlik,
- MBA - Agrobiznes,
- MBA - Raqamli iqtisodiyot
- Loyiha boshqaruvi (PM) magistratura mutaxassisliklariga yozgi qabul eʼlon qilmoqda.
Magistratura mutaxassisliklarining kunduzgi taʼlim shakli uchun o‘qish muddati 1,5 yil, sirtqi taʼlim shakli uchun 2 yil hamda barcha mutaxassisliklar bo‘yicha bir yillik kontrakt-to‘lov miqdori 25 000 000 so‘m qilib belgilangan.
Magistraturaga kirish istagini bildirgan nomzodlar Oliy maktab qabul komissiyasiga maxsus sahifa http://e-tinglovchi.gsbe.uz orqali Oliy maktab direktori nomiga quyidagi hujjatlarning nusxalarini ilova qilgan holda ariza bilan murojaat qiladi:
- davlat boshqaruvi organlari, xo‘jalik birlashmalari, nodavlat notijorat tashkilotlari va tadbirkorlik subyektlari birinchi rahbarlarining imzosi qo‘yilgan tavsiya xati;
- oliy maʼlumot to‘g‘risidagi hujjatning nusxasi;
- pasport yoki ID karta (imtihon vaqtida asl nusxasi taqdim etiladi);
- ingliz tilini bilish darajasini tasdiqlovchi belgilangan namunadagi hujjat (agar mavjud bo‘lsa). Magistraturaga kirish imtihonlaridan (suhbat va test) muvaffaqiyatli o‘tgan nomzodlar yuqorida ko‘rsatilgan hujjatlarning aslini yoki ularning belgilangan tartibda tasdiqlangan nusxalarini Oliy maktabga taqdim etadi.
Nomzodlarga qo‘yiladigan talablar: oliy maʼlumotga va oliy taʼlim muassasasini tamomlagandan keyin kamida uch yil ish stajiga ega 45 yoshgacha bo‘lgan (o‘qitishning faqat kunduzgi shakliga) nomzodlar suhbat va test sinovlari natijalari bo‘yicha ochiq tanlov asosida qabul qilinadi.
Magistraturaga kirish uchun hujjat topshirish muddati (davri) - 2024 yilning 15 iyulidan 2024 yilning 15 avgustigacha (shu kuni kechki soat 22-00 gacha);
O‘qishga hujjat topshirish faqat elektron shaklda Oliy maktabning http://e-tinglovchi.gsbe.uz orqali har kuni 24 soat mobaynida amalga oshiriladi.
Maʼlumot uchun: Telefonlar: +99871 2390315, +99871 2390305.
Veb-sayt: http://rgsbm.uz; Telegram: t.me/rgsbm_uz; Facebook: fb.com/rgsbm.uz.
Manzil: Toshkent shahri, Mirobod tumani, Mirobod ko‘chasi, 25-uy.
