2024-yil 18-dekabr kuni Oliy maktabda “Tadbirkorlikni barqaror rivojlanishida innovatsiyalar va investitsiyalarning roli” mavzusida Respublika ilmiy-amaliy konferensiyasi muvaffaqiyatli o‘tkazildi.

Tadbir mamlakatimizdagi turli oliy ta’lim va ilmiy-tadqiqot muassasalaridan ilmiy xodimlar, professor-o‘qituvchilar, doktorantlar va mustaqil izlanuvchilarni jamladi.

Konferensiya innovatsiyalar va investitsiyalar bilan bog‘liq asosiy masalalar bo‘yicha fikr va ilmiy qarashlar almashish uchun platforma bo‘ldi. Ishtirokchilar keng ko‘lamli mavzularni, shu jumladan ayollar tadbirkorligi, innovatsion siyosatni shakllantirish, “yashil” va raqamli iqtisodiyot istiqbollari, shuningdek, biznesda raqamli texnologiyalarning rolini muhokama qildilar.

Hozirgi kun iqtisodiy va texnologik muammolar sharoitida tadbirkorlikni barqaror rivojlantirish bo‘yicha tahlil va takliflarga alohida e’tibor qaratildi.

Biznes va tadbirkorlik oliy maktabi barcha ishtirokchilarga faol ishtiroki, mazmunli chiqishlari va qimmatli takliflari uchun samimiy minnatdorlik bildiradi. Oliy maktab tadbirkorlik sohasidagi dolzarb vazifalarni hal etishga qaratilgan yangi ilmiy tashabbuslar va platformalar doirasida samarali ishlarni davom ettirib kelmoqda.