2024-yil 1-noyabr kuni Samarqand shahrida Biznes va tadbirkorlik oliy maktabi tomonidan Koreyaning xalqaro hamkorlik agentligi (KOICA) ko‘magida tashkil etilgan 5 kunlik “Startap biznes mentorlarni tayyorlash dasturi” bo‘yicha amaliy trening nihoyasiga yetdi.

Mazkur treningda qatnashgan jami 25 nafar ishtirokchilar startap loyihalarni qo‘llab-quvvatlash bo‘yicha Kanvas biznes modeli asosida biznes g‘oyani baholash, biznes loyihani yashovchanligini turli gipotezalar va qarashlar orqali o‘rganib chiqish, iste’molchilar talabiga mos keladigan mahsulot va xizmatlarni taklif etish hamda startaplarni bozorda muvaffaqiyatga erishishlari bo‘yicha ilg‘or boshqaruv texnikalaridan foydalanish yuzasidan amaliy bilimlarga ega bo‘ldilar.

Trening yakuni bo‘yicha guruhlarda o‘z startap loyihalarini muvaffaqiyatli himoya qilgan ishtirokchilarga Oliy maktabning startap mentorlar o‘quv kursini yakunlaganligi to‘g‘risida sertifikatlar topshirildi.