Joriy yilning 15-dekabr kuni Biznes va tadbirkorlik oliy maktabida “Loyiha boshqaruvi” yo‘nalishi tinglovchilarining bir oylik semestr yakunida “Business English” fani doirasida tinglovchilar tomonidan startap loyihalari namoyishi bo‘lib o‘tdi.

Tinglovchilar tomonidan yaratilgan loyihalar zamonaviy talab va bozor talablariga to‘liq javob beradigan tez ovqatlanish “Fast food” sanoatining yangi tarmoqlarini rivojlantirish va ochishga qaratildi.

Taqdimotda tinglovchilar nafaqat loyihalarni boshqarish sohasida o‘z bilim va ko‘nikmalarini, balki ularni amaliyotda qo‘llash qobiliyatini ham namoyish etdilar. Har bir loyiha puxta ishlab chiqilgan, shuningdek, strategik rejalashtirishdan tortib bozor tadqiqotigacha biznesning barcha jihatlarini qamrab olgan.

Ushbu tadbir Loyiha boshqaruvi tinglovchilarida o‘zlarining bir oylik “Business English” kursi davrida oʻquv materialidan o‘qish davomida samarali foydalanishni o‘z ichiga oldi. Bu tajriba tinglovchilarga olgan bilimlarini amaliyotda qo‘llash imkonini berdi, bu esa ularning kasbiy tayyorgarligi va rivojlanishida muhim bosqich hisoblanadi.