O‘zbekiston Respublkasi Vazirlar Mahkamasi huzuridagi Biznes va tadbirkorlik oliy maktabi va Adju universiteti hamkorligida “IT Business” magistratura mutaxassisligi bo‘yicha “ikki diplom” (dual degree) xalqaro dasturiga 2023-2024-o‘quv yili uchun qabul boshlandi:
O‘zbekiston Respublikasi Vazirlar Mahkamasi xuzuridagi Biznes va tadbirkorlik oliy maktabi Janubiy Koreya Respublikasining Adju Universiteti bilan hamkorlikda 2023-2024-o‘quv yili uchun “ikki diplom” (dual degree) xalqaro dasturi asosida “IT Business” mutaxassisligi bo‘yicha magistraturaga to‘lov-kontrakt asosida qabul e’lon qilmoqda.
Ta’lim kunduzgi shaklda bo‘lib, birinchi o‘quv yili (1 va 2-semestrlar) O‘zbekistonda, ikkinchi o‘quv yili (3 va 4-semestrlar) Koreyada davom etadi. Dastur yakunida tinglovchilar Adju universitetining “IT-Busines” va Oliy maktabining “Biznesni boshqarish” (MBA) magistri diplomlarini oladilar. Qo‘shma ta’lim dasturining (dual degree) bir yillik o‘qitish qiymati 4 000 AQSH dollari hajmida belgilangan.
Magistraturaga kirish istagini bildirgan nomzodlar komissiyaga veb-sayt
orqali Oliy maktab direktori nomiga quyidagi hujjatlarning nusxalarini ilova qilgan holda ariza bilan murojaat qiladi:
- o‘qitish xarajatlarini qoplab beradigan davlat boshqaruvi organlari, xo‘jalik birlashmalari, nodavlat notijorat tashkilotlari va tadbirkorlik subyektlarining birinchi rahbarlari imzosi qo‘yilgan o‘qitish uchun kafolat xati;
- oliy ma’lumot to‘g‘risidagi hujjatning nusxasi;
- pasport yoki ID karta (imtihon vaqtida asl nusxasi taqdim etiladi);
- ingliz tilini bilishini tasdiqlovchi IELTS (International English Language Testing System) bo‘yicha 5,0 ball, TOEFL (Test of English as a Foreign Language) bo‘yicha
72 balldan kam bo‘lmagan darajada xalqaro sertifikatlar.
Magistraturaga kirish uchun hujjat topshirish muddati (davri) – 2023-yilning 14-iyulidan 2023-yilning 20-avgustigacha (shu kuni soat 22:00 ga qadar).
Qabul komissiyasining ishlash jadvali: Dushanba – Juma kunlari, soat 9:00 dan 18:00 gacha.
O‘qishga hujjat topshirish faqat elektron shaklda Oliy maktabning veb-sayti orqali har kuni 24 soat mobaynida amalga oshiriladi.
Ma’lumot uchun: Telefonlar: +99871-239-03-17, +99871-239-03-15