Bugun O'zbekiston Respublikasi birinchi Prezidenti Islom Karimov tavallud topgan kun. Mamlakatimizning birinchi Prezidenti Islom Karimov mustaqil O'zbekistonga asos solgan, xalqimiz mehrini qozongan, xalqaro miqyosda tan olingan davlat va siyosat arbobi edi.

Bugungi kunda Prezident Shavkat Mirziyoevning e'tibori va tegishli qarori bilan uning xotirasi abadiylashtirildi. Birinchi Prezidentimiz tavallud topgan 30 yanvar kunini nishonlash ezgu an'anaga aylandi.

Islom Karimov, O'zbekiston davlati va davlatchiligini barpo qilish, demokratik fuqarolik jamiyati qurish asoslarini yaratdi, mamlakatimiz taraqqiyotining asosiy yo'nalishlarini ishlab chiqdi, yurtimizning yorug'istiqboli yo'lida ko'pmillatli xalqimizni birlashtirib, uni ulug'maqsadlar sari boshladi. Yurtimizdagi tinchlik va osoyishtalik, barqarorlikni mustahkamlash, fuqarolar o'rtasida totuvlik, turli Millatlar va diniy konfessiyalararo hamjihatlikni yanada kuchaytirish, qurolli Kuchlarimiz qudratini oshirish, Vatanimiz sarhadlari daxlsizligini ko'z qorachig'iday asrash Islom Karimovning asosiy ustuvor yo'nalishlari bo'ldi. 

Islom Karimov xalqimiz xotirasida abadiy yashaydi!