YAPONIYANING JICA XALQARO HAMKORLIK AGENTLIGI VAKILLARI BILAN UCHRASHUV
Joriy yilning 16 iyun kuni O'zbekiston Respublikasi Iqtisodiy taraqqiyot va kambag'allikni qisqartirish vazirligi huzuridagi Biznes va tadbirkorlik oliy maktabi (keyingi o'rinlarda – Oliy maktab) direktor o’rinbosari - Ph.D. Bahrom Xolbayev Yaponiya xalqaro hamkorlik agentligining (JICA) O‘zbekistondagi vakolatxonasining loyihalarni shakllantirish bo‘yicha mutaxassisi Toki Norixiro va bosh loyiha koordinatori Sharifzoda Sharipov bilan uchrashdi.
Uchrashuvdan ko'zlangan asosiy maqsad - tomonlar o'rtasidagi o’zaro hamkorlikni yanada mustahkamlash, qo’shma ta’lim dasturlarini ishlab chiqish, Oliy maktabga Yaponiyalik professor-o’qituvchilarni jalb qilish kabilardir.
Tadbirning rasmiy qismidan so’ng mehmonlar Oliy maktabdagi dars jarayonlari, yaratilgan shart-sharoitlar va uning moddiy-texnika bazasini ko’zdan kechirishdi.
Uchrashuv yuqori saviyada bo'lib, ta'lim sohasidagi istiqbolli qo'shma loyihalarni amalga oshirishda alohida o’rin tutadi.
Ma’lumot uchun:
JICA - rivojlanayotgan mamlakatlarda iqtisodiy va ijtimoiy oʻsishni ragʻbatlantirish va xalqaro hamkorlikni rivojlantirish maqsadida tashkil etilgan Yaponiya xalqaro hamkorlik agentligidir.