O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Biznes va tadbirkorlik oliy maktabi (keyingi o‘rinlarda – Oliy maktab) O‘zbekiston Respublikasi Prezidentining 2022-yil 8-apreldagi PF-101-sonli Farmoni bilan tasdiqlangan chora-tadbirlar rejasiga va O‘zbekiston Respublikasi bosh vaziri o‘rinbosarining 2022-yil 10-oktyabrdagi № 02/1-765 sonli topshirig‘iga muvofiq Janubiy Koreya Respublikasining Аdju Universiteti bilan hamkorlikda 2022-2023 o‘quv yili uchun quyidagi magistratura mutaxassisligi “ikki diplom” (dual degree) xalqaro dasturiga to‘lov-kontrakt asosida quyidagi taʼlim shakliga qabul eʼlon qiladi.

 «IT Business» - o‘qish muddati: 2 yil (kunduzgi).

Qo‘shma taʼlim dasturi to‘liq ingliz tilida bo‘lib o‘qitishning 1 va 2-semestrlari Oliy biznes maktab binosida (O‘zbekiston), 3 va 4-semestrlari (4-semestr 1 oy) Аdju universiteti hududida (Janubiy Koreya) bo‘lib o‘tadi. Qo‘shma taʼlim modelining (dual degree) bir yillik o‘qitish narxi 4 ming АQSh dollari.

Magistraturaga kirish istagini bildirgan nomzodlar komissiyaga onlayn tarzda Oliy maktab direktori nomiga quyidagi hujjatlarning nusxalarini ilova qilgan holda ariza bilan murojaat qiladi:

• davlat boshqaruvi organlari, xo‘jalik birlashmalari, nodavlat notijorat tashkilotlari va tadbirkorlik subʼektlari birinchi rahbarlarining imzosi qo‘yilgan tavsiya xati;
• oliy yoki bakalavriat bo‘yicha maʼlumoti to‘g‘risidagi hujjatning nusxasi;
• 4x6 o‘lchamdagi rangli fotosurat;
• 086-U shaklidagi tibbiy maʼlumotnoma;
• pasport (imtihon vaqtida asl nusxasi taqdim etiladi);
• ingliz tilini bilish darajasini tasdiqlovchi belgilangan namunadagi hujjat (agar mavjud bo‘lsa yoki o‘qishga kirgandan keyin ikki oy davomida).

“Ikki diplom” (dual degree) modeli asosidagi magistraturaga kirish istagini bildirgan davlat va xo‘jalik subʼektlaridan tashqari ochiq tanlov asosida ham (birinchi rahbarning imzosisiz, tavfsiya xatisiz) nomzodlar komissiyaga  onlayn havola orqali Oliy maktab direktori nomiga tegishli hujjatlarning nusxalarini topshirishi mumkin.

Nomzodlar ingliz tilini B2 va undan yuqori darajada bilishini tasdiqlovchi IELTS (International English Language Testing System) bo‘yicha 5,0 ball, TOEFL (Test of English as a Foreign Language) bo‘yicha 72 balldan kam bo‘lmagan darajada ingliz tilini bilishi va tasdiqlovchi xalqaro sertifikatlarga ega bo‘lishi yoki oliy taʼlim muassasalarini ingliz taʼlim tilida bitirgan bo‘lishligi talab etiladi.   Tinglovchi istisno tariqasida ingliz tilini bilishni tasdiqlovchi xalqaro sertifikatini o‘qishga qabul qilingandan keyin ikki oy davomida Oliy maktab qabul komissiyasiga topshirishi mumkin.

Magistraturaga kirish komissiya aʼzolari tomonidan nomzodlar bilan suhbat asosida, ingliz tilini bilishi darajasi bo‘yicha amalga oshiriladi.

 Ushbu havola orqali hujjatlarni topshirishingiz mumkin.

         Qabul komissiyasining ishlash jadvali:

Dushanba – Juma kunlari, soat 9:00 dan 18:00 gacha.

O‘qishga hujjat topshirish faqat elektron shaklda yuqoridagi onlayn havola orqali har kuni 24 soat mobaynida amalga oshiriladi.

         Batafsil maʼlumot: +99871 2390302, +99871 2390311; +99871 2390303.

         Veb-sayt: https://rgsbm.uz

         Telegram: t.me/rgsbm_uz

         Instagram:  https://www.instagram.com/gsbe.uz

         Facebook: fb.com/rgsbm.uz

         Manzil: Toshkent shahri, Mirobod tumani, Mirobod ko‘chasi, 25 uy.