Biznes va tadbirkorlik oliy maktabi Toshkent tibbiyot akademiyasi bilan hamkorlikda sog‘liqni saqlash va tibbiy texnologiyalar sohasida dastlabki inkubatsiya bosqichidagi startap loyihalarni qo‘llab-quvvatlash va rivojlantirish bo‘yicha “Startup Evaluation: HealthTech Series” loyihasini amalga oshirmoqda.

Tadbirdan maqsad - sog‘liqni saqlash sohasida yosh startap tashabbuskorlari hamda biznes va ta’lim sohasidagi yetakchi ekspertlar o'rtasida samarali muloqotni tashkil etishdan iboratdir.

Tadbir yosh startap egalari uchun startap loyihasini rivojlantirishda qulay imkoniyat yaratadi.

Tadbirda startaplarni quyidagilar kutmoqda:

•  o‘z biznes loyihalarini taqdimot qilish va ekspertlar bilan startaplarni amalga oshirish bo‘yicha fikr almashish imkoniyati;
•  bizines sohasidagi yetakchi professor va ekspertlardan maslahatlar olish;
•  startap loyihalarni takomillashtirish bo‘yicha navbatdagi qadamlarni muhokama qilish;
•  startaplarni kelgusida rivojlantirish bo‘yicha Oliy maktabining ko‘magiga tayanish.

Ma’lumot uchun: “Startup Evaluation” loyihasi - bu Biznes va tadbirkorlik oliy maktabining startaplarni qo‘llab-quvvatlash platformasi bo‘lib, yosh startap tashabbuskorlarining startap loyihalarini qisqa muddatda amalga oshirish bo‘yicha o’zaro hamkorlikni nazarda tutadi.

Sana: 2024-yil 8-oktyabr

Vaqt: 09:00-13:00.

Telefon:  +998712390327

Manzil: Biznes va tadbirkorlik oliy maktabi (5-qavat)