UNESCO/UNITWIN dasturi doirasida Janubiy Koreyalik professorlardan maxsus ma'ruzalar turkumi
2021 yil 10 maydan, Zoom platformasi orqali, Janubiy Koreyaning Xandong Global universiteti professor-o'qituvchilari tomonidan UNESCO/UNITWIN dasturi doirasida magistratura tinglovchilari uchun “Koreya iqtisodiyotida raqamli texnologiyalar transformatsiyasi” mavzusida maxsus ma'ruzalar turkumi start oldi.
4 kun davom etadigan ma'ruzalarda quyidagi dolzarb mavzular yoritilishi ko’zda tutilgan:
- Koreya iqtisodiyoti: bugun va ertaga;
- Koreyadagi startaplar ekotizimi;
- Koreyada raqamli transformatsiya: Koreya kompaniyalarining eng yaxshi amaliyotlari;
- 4-sanoat inqilobida “Aqlli zavod”;
- Koreyada urbanizatsiya va iqtisodiy rivojlanish;
- Pandemiyaning FINTECH sanoatiga ta'siri;
- Koreyaning so’nggi yillardagi eksporti va importi;
- Koreya misolida korxonalar uchun davlat siyosati va choralari.
Dastur doirasidagi ma’ruzalarda to'liq qatnashgan tinglovchilar uhcun maxsus sertifikatlar taqdim qilinadi.