2020 yil 25 may kuni O'zbekiston Respublikasi Prezidenti huzuridagi Loyiha boshqaruvi milliy agentligi qoshidagi Biznes va boshqaruv respublika oliy maktabi (keyingi o'rinlarda – Oliy maktab) “Raqamlashtirish davrida biznes va loyihaviy boshqaruv masalalari” mavzusida masofaviy ilmiy-amaliy konferentsiya o'tkazishni rejalashtirgan. Tadbirda Oliy maktabning magistratura tinglovchilari o'zlarining magistrlik dissertatsiyalari doirasida tayyorlagan ilmiy maqola va tezislari bilan ishtirok etishlari mumkin.

Konferentsiya quyidagi sho'balarni o'z ichiga oladi:

1-sho'ba. Pandemiya sharoitida inqirozga qarshi choralar va biznesning investitsion jozibadorligini ta'minlash.

2-sho'ba. Iqtisodiyotning raqamli transformatsiyasi sharoitida biznes boshqaruv.

3-sho'ba. Raqamlashtirish davrida loyihalarni boshqarish xususiyatlari.

4-sho'ba. Raqamli iqtisodiyot sharoitida moliya, hisob va baholashni xalqaro standartlarda boshqarish.

Konferentsiyaning ishchi tillari: o'zbek, rus va ingliz

Tezis tarkibi quyidagilarni o'z ichiga olishi kerak:

• Tezis nomi (sarlavhasi);
• Muallif haqida qisqacha ma'lumot;
• Asosiy mazmuni:
    - Kirish (mavzuning dolzarbligi va zaruriyati);
    - Asosiy qism;
    - Xulosa va takliflar;
• Foydalanilgan adabiyotlar (matnda havola shaklida).

Tezisni rasmiylashtirishga qo'yilgan texnik talablar:

• maqola hajmi: tezis matni 3-4 betdan oshmasligi kerak;
• matn muharriri – MsWord 2007, 2010, 2016;
• varaq formati – A4 o'lchovli, kitob shakli, matnning har bir tomonidan – 20 mm;
• shrift: garnitura – Times New Roman, 14 keglь kattaligida;
• xat boshi – 1,0 sm, qator oralig'i – 1 intervalda;
• tezis yuqori qismida mavzu bosh harflarda yoziladi, bir qatordan keyin o'ng tomonda muallif ma'lumotlari ko'rsatiladi. Bir qatordan keyin tezisning asosiy matni beriladi;
• jadval va grafiklar MsExcel formatida; rasm va sxemalar MsWord formatida; formulalar MsEquation muharririda;
• barcha jadval, grafik, rasm va sxemalarning manbasi va izohi keltirilishi shart;
• foydalanilgan adabiyotlar matnda havola ko'rinishida keltiriladi.

Fayl muallifning familiyasi va ismi bilan nomlanadi (misol uchun: Rajabov_Akmal_tezis.doc).

Materiallar o.aliqoriev@rgsbm.uz elektron manzili belgilangan qoidalarga muvofiq rasmiylashtirilgan holda 2020 yilning 20 may sanasiga qadar yuborilishi kerak.

Sana: 2020 yil 25 may (dushanba)

Boshlanish vaqti: 11-00

Konferentsiya platformasi: Zoom (konferentsiya havolasi ishtirokchilarning elektron manziliga yuboriladi)

Batafsil ma'lumot uchun quyidagi raqamga murojaat qiling: +99897 444 8552