Mamlakatimizda kichik biznes va xususiy tadbirkorlikni rivojlantirish orqali xalqning turmush darajasini yaxshilash, aholining real daromadlarini oshirish bugungi kunning ustuvor vazifalaridan biri hisoblanadi. Shu bois Respublikamizda tadbirkorlikni rivojlantirish uchun qulay shart-sharoitlar yaratilmoqda va bu ishlar o‘zining ijobiy natijalarini bermoqda.

Shu bilan birga, kursning asosiy maqsadlaridan biri aholining tadbirkorlikka qiziqishi bo‘lgan qatlamlarida (yoshlar va xotin-qizlar) biznes nazariyasi va amaliyotini o‘rgatish orqali tadbirkorlik kompetensiyalarini shakllantirishdir.

Oliy maktab va O‘zbekiston Nogironlar Assotsiatsiyasi o‘rtasida o‘zaro hamkorlik to‘g‘risida memorandum imzolandi.

Hamkorlik qilshning asosiy maqsadlari:
Mamlakatimizda nogironligi bo‘lgan shaxslarni qo‘llab-quvvatlash, ularni tadbirkorlik salohiyatini oshirishga qaratilgan qisqa muddatli kurslarni tashkil etish tadbirkorlik faoliyatida zarur bilim va ko‘nikmalar bilan ta’minlash;

Nogironligi bo‘lgan shaxslarni tadbirkorlikka keng jalb etish, biznes va tadbirkorlik, korporativ va loyiha boshqaruvi, menejment sohasida boshqaruv kadrlari va mutaxassislarni tayyorlash va ularning professional saviyasini oshirish;

Assotsiatsiya tomonidan tavsiya qilingan nogironligi bo‘lgan shaxslarni  Oliy maktab va uning hududiy filiallaridagi qisqa muddatli tadbirkorlik ko‘nikmalari bo‘yicha o‘quv kurslariga jalb qilishni tashkil qilish;

Assotsiatsiya xodim va mutaxassislari, Assotsiatsiya a’zolari uchun hududlarda malaka oshirish kurslarini tashkil etish.