O'zbekiston Respublikasi Iqtisodiy taraqqiyot va kambag'allikni qisqartirish vazirligi huzuridagi Biznes va tadbirkorlik oliy maktabi hududiy filiallari tomonidan 2021 yil 15 fevral kunidan hududlarda Aholini (yoshlar va xotin-qizlarni) tadbirkorlik ko'nikmalariga o'qitish, “Oilaviy tadbirkorlik dasturlari orqali kredit olishni mo'ljallagan aholi qatlamlari uchun” qisqa muddatli o'quv kursi, Tadbirkorlarni biznesni boshqarish va rivojlantirish ko'nikmalariga o'qitish bo'yicha bepul o'quv kurslari tashkil etilib kelinmoqda.

2021 yil 25 may kuniga qadar jami 171 ta o'quv kurslari tashkil etildi hamda 3046 nafar tinglovchilar  o'quv kurslariga jalb etildi. 2125 nafari (07.05.2021 yil holatiga) o'quv kurslari yakunida sertifikatlar bilan taqdirlandilar. O'quv kurslarida qatnashgan tinglovchilarning 1002 nafarini yoshlar, 1865 nafarini ayollar tashkil etadi. O'quv kurslariga “Ayollar daftari”ga kiritilgan 773 nafar xotin-qizlar qatnashib 489 nafari Oliy maktab tomonidan o'quv kurslarini muvaffaqiyatli yakunlaganligi sababli sertifikat bilan taqdirlandilar. Shuningdek, “Yoshlar daftari”ga kiritilgan 1158 nafar tinglovchidan 926 nafari Oliy maktab tomonidan o'quv kurslarini muvaffaqiyatli yakunlaganligi sababli sertifikat bilan taqdirlandilar.

Bugungi kunda tinglovchilardan 553 nafari o'z tadbirkorlik faoliyatini boshlab yuborganlar hamda 1322 nafar tinglovchilar o'z faoliyatini boshlash arafasida turibdilar.

Hududlarda aholini (yoshlar va xotin-qizlar) tadbirkorlikka o'qitilgan tinglovchilar to'g'risida ma'lumot