• Biz ijtimoiy tarmoqlarda:

Oliy maktab haqida

O'zbekiston Respublikasi Prezidenti huzuridagi Loyiha boshqaruv milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabi (keyingi o'rinlarda Oliy maktab) korporativ boshqaruv, loyiha boshqaruvi va umuman menejment sohasida mutaxassislarni tayyorlash, malakasini oshirish tizimini tubdan takomillashtirish maqsadida tashkil etilgan; xalqaro standartlarga muvofiq zamonaviy korporativ boshqaruv amaliyotini joriy etishni ilmiy va uslubiy qo'llab-quvvatlash.

Bugungi kunda Oliy maktab mamlakatdagi etakchi ta'lim muassasаlaridan biri bo'lib, davlat boshqaruv idoralari, aksiyadorlik jamiyatlari va boshqa xo'jalik yurituvchi subyektlar uchun boshqaruv kadrlarini tayyorlash, qayta tayyorlash va malakasini oshirish, shuningdek «Biznes boshqaruv» (MBA) yo’nalishi bo’yicha magistrlarni tayyorlovchi yagona davlat ta'lim muassasasi hisoblanadi.

O'z oldiga qo’yilgan ta'lim vazifalarini bajarish uchun, Oliy maktab yuqori darajadagi topshiriqlarni samarali boshqarish va hal etishga qodir yuqori malakali rahbarlarni tayyorlashga yo'naltirilgan innovatsion o'quv dasturlarini ishlab chiqgan.

Oliy maktabning professor-o'qituvchilari tarkibi katta ilmiy, kasbiy va amaliy tajribaga ega yetakchi o'qituvchilardan iborat. Shu bilan birga, Oliy maktabda ta’lim berish uchun davlat va xo'jalik boshqaruv organlarining yetakchi mutaxassislari, mahalliy va xorijiy universitetlarning professor-o'qituvchilari jalb etilgan.

Oliy maktab talabalari tarkibi respublikamizning davlat va xo'jalik boshqaruv organlari, aksiyadorlik jamiyatlari va yuqori salohiyatga ega korxonalar rahbar va mutaxassislaridan iborat.